နေ့သစ် မှ....
ပျံသန်းခွင့်ကောင်းကင်မဲ့နေတဲ့ငှက်တွေလို
ကျနော့်အိပ်မက်တို့ခါးထိရှ
အကြိမ်ကြိမ်လဲကျရှုံးနိမ့်ခဲ့ရတဲ့ဘဝမှာစီးမျောရင်း
ပြူတင်းမဲ့တဲ့မြစ်မှာ အသက်ဆက်နေခဲ့ရပေါ့။
အလင်းငတ်နေတဲ့သစ်ပင်တပင်
ဒီရေအတက်မှာသစ္စာနဲ့ရှင်သန်
ဒဏ်ရာနဲ့ငှက်မှာလည်းလွတ်မြောက်ခွင့်အတွက်ရုန်းထွက်ရ
ဘဝတွေအညွန့်ချိုးခံရမှတော့
လှုပ်နှိုးစရာမလိုလောက်အောင်
အမှောင်ခေတ်ကိုထမ်းတင်ခဲ့ပြီ။
အမှောင်နဲ့လောကဓံ
မကြာခဏဒဏ်ရာတို့ပြင်ပြင်းထန်ထန်
အမေ့အိမ်ကိုပြန်ချင်တဲ့စိတ်
မွတ်သိပ်တမ်းမြေ့
အမေ့မေတ္တာရိပ်ရဲ့အဝေးမှာ
မေတ္တာနဲ့လုံခြုံတဲ့အရပ်ဆီ
သားပြန်ခဲ့ပြီအမေ။
အမေ့ရင်ထဲ
အဖေ့ဆိပ်ဖလူးနံ့ရနေဆဲ
သားတို့မိုးမခတောအလွမ်း
ခေတ်တခေတ်လုံးထမ်းထားရတာ
အမေမောပန်းနွမ်းနယ်နေလိမ့်မယ်။
ရန်ကုန်-ပြည်အမြန်ရထားက
လွမ်းဆွတ်တဲ့နှလုံးသားကိုတသသလွမ်းတစွာ
ညရှစ်နာရီရထားဆိုက်ချိန်
အမေ့အိမ်မီးမှိန်မှိန်အိမ်ကလေး
အမေ့ဓမ္မတေးမှာငြိမ်းအေးခဲ့။
ကိုးလလွယ်လို့ဆယ်လဖွါးခဲ့တဲ့အပြင်
သွေးနို့ရည်စက်အစက်တိုင်းမှာ
အသက်နဲ့ရင်းတည်ခဲ့ရ
ရယူလိုမှုကင်းတဲ့နှလုံးသားကုထုံး
အငိုနဲ့စအငိုနဲ့မဆုံးခင်
အမေ့မေတ္တာရေစင်အေးမှာ
ငြိမ်းအေးခဲ့တဲ့ဘဝ
မြစ်တွေရပ်တန့်သွားခဲ့ကြတယ်။
ဘဝတသက်တာ
အမေ့ခြေရာ
အမေမေတ္တာနဲ့ငြိမ်းအေးလုံခြုံစွာ
သီတာရေကြည်လို
မြင့်မိုလ်တောင်ထု
တုနှိုင်းမမှီတဲ့မေတ္တာတရား။
အမေ့အသက်ခုနှစ်ဆယ်နီးမှာ
ခရီးမဆုံးသေးတဲ့အမေ
ကိုယ့်မြစ်နဲ့ကိုစိမ်းလန်း
ငြိမ်းချမ်းပါစေတော့။
(အမေနဲ့အဝေးရောက်သားတွေရဲ့အမေများသို့)
နီလွင်သွေး(ဒဿနိက)
၅ ၊ ရ ၊၂၀၁၁ စနေနေ့
အတိတ်ရဲ့ခြေရာ..နောင်တရိပ်သာမှာ...
