Pages

Saturday, October 30, 2010

ကရင်နီတပ်မတော်က မြန်မာအစိုးရ တပ်စခန်း ၀င်စီး၊ ရွေးကောက်ပွဲ ဆန့်ကျင်ရေးမှုကြောင့်ဟု ကရင်နီတပ်မတော်ကပြော

ktimes သတင်းမှ.....

ကရင်နီ (ကယား)ပြည်နယ်၊ လွိုင်ကော်နှင့် ရှားတောမြို့နယ်တို့ အကြားရှိ ပွန်ချောင်းတံတား အနီးတွင် တပ်စွဲထားသော မြန်မာတပ်ဖွဲ့နှင့် ကရင်နီတပ်မတော်တို့ ၂၆ ရက် အင်္ဂါနေ့က တိုက်ပွဲ ဖြစ်ပွားခဲ့သည်။

ကရင်နီတပ်မတော်မှ ဗိုလ်မှူး မူရှေး ဦးဆောင်သည့် တပ်ရင်း ၃ က အဆိုပါ တံတားကို ဖောက်ခွဲပြစ်ခဲ့သည့်အပြင်၊ တံတားအနီး တပ်စွဲ ထားသည့် ဗိုလ်ကြီး ကျော်ကိုသန်း ဦးဆောင်သည့် ခလရ ၇၂ တပ်စခန်းကိုလည်း သုံးနာရီကြာ ၀င်ရောက်စီးနင်း တိုက်ခိုက်ခဲ့ခြင်း ဖြစ်သည်။၎င်းတိုက်ပွဲ ဖြစ်ပွားမှုနှင့် ပတ်သက်၍ ကရင်နီဗဟို သတင်းနှင့် ပြန်ကြားရေး တာဝန်ခံ ဦးအောင်ဆန်းမြင့်က “အဓိကက စစ်ရေး လေကွာ၊ ရန်သူရဲ့ အဓိက စစ်တပ်စခန်းကို ၀င်တီးတာပေါ့။ ပညာသား နည်းလေးနဲ့ ပါရင် ပါမှာပေါ့ကွာ။ နည်းနည်း အကြောင်းပြတာ ဖြစ်ရင်လဲ ဖြစ်မှာပေါ့။ ငါတို့က ၂၀၁၀ ရွေးကောက်ပွဲ မဖြစ်ရေးမူ ချထားတာကိုး” ဟု ပြောပါသည်။

Friday, October 29, 2010

မြန်မာရွေးကောက်ပွဲ ဟီလာရီ ကလင်တန် ပြင်းပြင်းထန်ထန် ဝေဖန်

မြန်မာစစ်အစိုးရက မကြာခင် ကျင်းပပေးမယ့် ရွေးကောက်ပွဲဟာ လက်ခံနိုင်စရာ အခြေအနေတွေ မရှိတဲ့အပြင် ဒီမိုကရေစီ အခြေခံတွေ ကင်းမဲ့နေတဲ့အကြောင်း အမေရိကန် နိုင်ငံခြားရေးဝန်ကြီးက ပြစ်တင် ပြောဆိုလိုက်ပါတယ်။ မြန်မာ့အရေးနဲ့ ပတ်သက်လို့ ဒေသတွင်း နိုင်ငံတွေနဲ့ ဆွေးနွေးပြောဆိုမှုတွေ တွေ့မြင်ရလိမ့်မယ်လို့ မျှော်လင့်ထားကြတဲ့ အာရှခရီးစဉ် အစနေ့အဖြစ် ကြာသပတေးနေ့ကပဲ ၀န်ကြီး ဟီလာရီ ကလင်တန် (Hillary Clinton) က ပြောဆိုလိုက်တာပါ။ မြန်မာစစ်အစိုးရရဲ့ နိုဝင်ဘာလ ရွေးကောက်ပွဲအပေါ် ပြည်တွင်းပြည်ပက ဝေဖန်မှုတွေထဲက အခုနောက်ဆုံး အမေရိကန် ပြည်ထောင်စုက သဘောထား မှတ်ချက် ပေးခဲ့တာကို ကိုအောင်လွင်ဦးက တင်ပြပေးထားပါတယ်။

Friday, October 22, 2010

ထိုင်းနိုင်ငံခြားရေးဝန်ကြီး မယ်လဒုက္ခသည်စခန်း လာရောက်

KIC သတင်းမှ.....

ထိုင်းနိုင်ငံခြားရေးဝန်ကြီး မစ္စတာ ကာဆစ်ပီရွန်းသည် ယနေ့ မွန်းလွဲပိုင်းတွင် ထိုင်း-မြန်မာနယ်စပ်ရှိ မယ်လဒုက္ခသည်စခန်းသို့ လာရောက်ပြီး သက်ဆိုင်ရာ ထိုင်းအာဏာပိုင်များနှင့် စခန်းတာဝန်ရှိသူအား လက်ခံတွေ့ဆုံခဲ့သည်ဟု သိရသည်။

နိုင်ငံခြားရေးဝန်ကြီး မစ္စတာ ကာဆစ်ပီရွန်းနှင့် ဒု-နိုင်ငံခြားရေးဝန်ကြီး ဦးဆောင်သည့်အဖွဲ့သည် ယနေ့ မွန်းလွဲ ၂နာရီကျော်အ ချိန်တွင် မယ်လဒုက္ခသည်စခန်းသို့ ရောက်ရှိလာပြီး တာ့ခ်ခရိုင်ဥက္ကဌ အပါအ၀င် စခန်းအာဏာပိုင်များနှင့် စခန်းတာဝန်ရှိသူ များကို လက်ခံတွေ့ဆုံခဲ့ကြောင်း မယ်လစခန်းဥက္ကဌ စောထွန်းထွန်းက ပြောသည်။

“သူတို့လာတာက ပထမအဆင့်အနေနဲ့ကတော့ သက်ဆိုင်ရာ ထိုင်းအာဏာပိုင်တွေဖြစ်ကြတဲ့ ခရိုင်ဥက္ကဌနဲ့ စခန်းအာဏာပိုင် တွေနဲ့ တွေ့ဆုံပြီးတော့ နောက်ဆုံး ကျနော်တို့ စခန်းတာဝန်ရှိသူ (၁၄)ယောက်ကို MOI ရုံးမှာ လက်ခံတွေ့ဆုံတယ်။ လာတဲ့ ခရီးစဉ်ကတော့ ဒုက္ခသည်တွေအနေနဲ့ စိုးရိမ်ပူပန်မှုတွေမရှိအောင် ထိုင်းအစိုးရရဲ့ သဘောထားအမှန်ကို လာရောက်ပြောပြ သွားတာ ဖြစ်ပါတယ်။”ဟု စောထွန်းထွန်းက ပြောသည်။

ရွေးကောက်ပွဲဆန့်ကျင်စာများလိုက် ကပ်မှုကြောင့်ကြာအင်းဆိပ်ကြီး မြို့တွင် လုံခြုံရေး တင်းကြပ်

KIC သတင်းမှ.....

ကရင်ပြည်နယ်၊ ကြာအင်းဆိပ်ကြီးမြို့နယ် မဲဆန္ဒနယ်အတွင်းရှိ လူထုအကြားတွင် ယမန်နေ့ညနေက ရွေးကောက်ပွဲဆန့် ကျင်သည့် စာရွက်စာတမ်းများ လိုက်ကပ်ဖြန့်ဝေမှုကြောင့် လက်ရှိအချိန်တွင် မြို့တွင်း၌ လုံခြုံရေး တင်းကြပ်လျှက်ရှိကြောင်း ဒေသခံများက ပြောဆိုနေကြသည်။

ဒေသခံတဦးက “မနေ့ညက မြို့တွင်းမှာ သူများစာတွေ လိုက်ဖြန့်တယ်။ လိုက်ကပ်တာကို အာဏာပိုင်တွေ သိသွားတယ် လေ။ ညတုန်းက တညလုံး မြို့တွင်းမှာ လုံခြုံရေးတွေ ချထားတယ်။ သူများ လိုက်ကပ်ထားတဲ့ စာတွေကို လိုက်သိမ်းတယ်။ လိုက်ခွာတယ်။ ဒီမနက်မှာလည်း နအဖ တပ်တွေ တော်တော်ရှုပ်နေတယ်။ မြို့တွင်း ကားလမ်းထိပ်မှာတို့ လုံခြုံရေး ချထား တာ အများကြီးပဲ။ လူထုတွေရဲ့ သွားလာရေးကိုလည်း စောင့်ကြည့်တယ်။ လမ်းတွေလည်း ပိတ်ထားတယ်၊”ဟု ကေအိုင်စီ ကို ပြောသည်။

ယမန့်ညနေ၌ ကြာအင်းဆိပ်ကြီးမြို့နှင့် ကျေးရွာအချို့ရှိ အစိုးရဌာနဆိုင်ရာရုံးများ၊ ဆေးရုံ၊ စာသင်ကျောင်းများရှေ့တွင် ၂၀၁၀ ရွေးကောက်ပွဲကို ဆန့်ကျင်သည့် စာရွက်စာတမ်းများ လိုက်ကပ်ဖြန့်ဝေမှု ဖြစ်ပေါ်နေသည့်အတွက် နအဖ စစ်အာ ဏာပိုင်များက ယခုလို လုံခြုံရေး ပိုမိုချထားလာခြင်းဖြစ်သည်။

နအဖ ဒုက္ခိတစစ်သည်များ အဆောင်အတွက် ကျေးရွာအုပ်စု ၁၀စုမှ ကျပ်ငွေသိန်း(၄၀)ပေး ဆောင်ရ

KIC သတင်းမှ...........

ကရင်ပြည်နယ် မြောက်ပိုင်း ညောင်လေးပင်ခရိုင် ကျောက်ကြီးမြို့နယ်တွင် နအဖ ဒုက္ခိတစစ်သည်များအဆောင် ဆောက်လုပ် ပေးရန်အတွက် ကျေးရွာအုပ်စု (၁၀)စုမှ ကျပ်ငွေ(၄၀)သိန်း ပေးဆောင်ရန် ကျောက်ကြီးမြို့နယ်ဥက္ကဌက ညွှန်ကြားခဲ့သည်ဟု သိရသည်။

ယခုလ အောက်တိုဘာလ ၁၇ရက်နေ့တွင် ကျောက်ကြီးမြို့နယ် ဥက္ကဌ ဦးဇော်မျိုးညွန့်က ကျောက်ကြီးမြို့၌ ဆောက်လုပ်မည့် ဒုက္ခိတစစ်သည်များအဆောင်အတွက်ဟုဆိုကာ ကျောက်ကြီးမြို့နယ်ရှိ ကျေးရွာအုပ်စု ၁၀စုမှ ကျပ်ငွေ(၄၀)သိန်းကို အောက် တိုဘာလ ၂၀ ရက်နေ့ နောက်ဆုံးထားပြီး ပေးပို့ရမည်ဟု အဆိုပါ ကျေးရွာအုပ်စုများထဲမှ ရွာသူကြီးတဦးက ပြောသည်။

၎င်းက “မြို့နယ်ဥက္ကဌ ပြောတာကတော့ ဒုက္ခိတစစ်သည်အတွက် အဆောင် (၄)ဆောင် ဆောက်လုပ်ပေးမယ်လို့ပြောတယ်။ ကျနော်တို့ရွာ အပါအ၀င် ကျေးရွာအုပ်စု (၁၀)စုက ကျပ်ငွေသိန်း(၄၀) တောင်းတယ်။ ရွာသူကြီးက တဆင့်တောင်းတာပေါ့ နော်။ ဒီလ ၂၀ရက်နေ့မှာ နောက်ဆုံးထားပြီး အရောက်ပို့ရမယ်လို့ပြောတယ်။ ရတဲ့ငွေ တချို့ကိုတော့ ပို့ပြီးပြီ။ တချို့ရွာတွေက တော့ လိုက်စုနေတုန်းပဲ မပို့ရသေးဘူး။”ဟု ပြောသည်။

Monday, October 11, 2010

ကရင့်စွမ်းရည်ပြပွဲပြိုင်ပွဲအခမ်းအနား သြစတြေးလျား၌ကျင်းပခဲ့

KIC သတင်းမှ....

အောက်တိုဘာလ ၁၀ရက်။ စောကျော်ခွီး (ကေအိုင်စီ)
သြစတြေးလျားနိုင်ငံ၊ ဆစ်ဒနီမြို့ Granville Town Hall တွင် ကရင့်စွမ်းရည်ပြပွဲပြိုင်ပွဲ အခမ်းအနားတခုကို အောက်တိုဘာလ (၉)ရက် စနေနေ့က ကျင်းပခဲ့ရာ လူပရိဿတ် ၃၀၀ကျော် လာရောက်အားပေးခဲ့ကြသည်ဟု သိရသည်။

သြစတြေးလျားကရင်အမျိုးသားအဖွဲ့အစည်း (AKO) ဆစ်ဒနီမှ စီစဉ်ကျင်းပသော အဆိုပါ အခမ်းအနားမှာ မြန်မာပြည် အရှေ့ ဖက်ခြမ်းရှိ ပြည်တွင်းဌာနေမဲ့ ကရင်ဒုက္ခသည်များ(IDPs)နှင့် စစ်ဖြစ်ပွားရာဒေသများမှ ကရင်ဒုက္ခသည်များအတွက် ရန်ပုံငွေ ရှာဖွေသည့်အနေဖြင့် ကျင်းပရခြင်းဖြစ်ကြောင်း ဆစ်ဒနီမြို့ရှိ AKO လူငယ်ရေးရာ ဒုဥက္ကဌ နော်ဂရေ့စ်အယ်လွင်က ကေအိုင်စီ ကို ယခုလို ပြောသည်။

Saturday, October 2, 2010

အစိုးရအထက်ကအစိုးရ၊ ဖွဲ့စည်းပုံအထက်က စစ်ကောင်စီ

ခေတ်ပြိုင်မှ........

ရဲဘော်ဖိုးသံချောင်း / ၀၁ အောက်တိုဘာ ၂၀၁၀

စစ်အုပ်စုရဲ့ ၂၀၀၈ ခုနှစ် ဖွဲ့စည်းပုံဥပဒေထဲမှာ လူပြောသိပ်မများကြတဲ့ ပုန်းလျှိုးကွယ်လျှိုး အာဏာပိုင်အဖွဲ့တဖွဲ့ ရှိနေပါတယ်။ အဲဒီအုပ်စုဟာ အမှောင်ထဲမှာ ချောင်ကုပ်နေတာဖြစ်သလို ဒီဖွဲ့စည်းပုံဥပဒေထဲမှာ သူ့အတွက် သီးခြားအခန်း၊ ပုဒ်မရယ်လို့ ဖော်ပြမထားဘဲ သမ္မတဆိုတာရယ်၊ တပ်တော်ရဲ့အခန်းဆိုတာရယ်တို့နဲ့ ရောထွေး ဖော်ပြထားတာကို တွေ့ရပါတယ်။

အဲဒါကတော့ အခန်း (၅) အုပ်ချုပ်ရေးဆိုတာကနေ စပြီးဖော်ပြထားတဲ့ အမျိုးသားကာကွယ်ရေးနှင့် လုံခြုံရေးကောင်စီ ဆိုတာပါပဲ။ ဒီကောင်စီမှာပါမယ့် လူတွေက နိုင်ငံတော်သမ္မတ၊ ဒုတိယသမ္မတ (နှစ်ယောက်)၊ ပြည်သူ့လွှတ်တော်ဥက္ကဋ္ဌ၊ အမျိုးသားလွှတ်တော်ဥက္ကဋ္ဌ၊ တပ်မတော်ကာကွယ်ရေးဦးစီးချုပ်၊ ဒုတိယတပ်မတော်ကာကွယ်ရေးဦးစီးချုပ်၊ ကာကွယ်ရေးဝန်ကြီးဌာန၀န်ကြီး၊ နိုင်ငံခြားရေးဝန်ကြီးဌာန၀န်ကြီး၊ ပြည်ထဲရေးဝန်ကြီးဌာန၀န်ကြီးနဲ့ နယ်စပ်ရေးရာဌာန၀န်ကြီး ဆိုတာတွေ ဖြစ်ပါတယ်။ အဲဒီနေရာတွေကို ဘယ်သူတွေကရမယ်ဆိုတာ အထူးတွက်နေဖို့မလိုပါဘူး။ သာမန်လူတောင် မှန်းလို့ရတဲ့ ရာထူးဌာနန္တရတွေဖြစ်ပါတယ်။ ဒီအထဲက ကာကွယ်ရေးဝန်ကြီးဌာန၀န်ကြီး၊ နယ်စပ်ဒေသ၀န်ကြီးဌာန၀န်ကြီးနဲ့ ပြည်ထဲရေးဝန်ကြီးဌာန၀န်ကြီးဆိုတာတွေကို လွှတ်တော်က ရွေးခြယ်ခွင့်မရှိပါဘူး။ စစ်အုပ်စုထိပ်သီးတွေက စိတ်ကြိုက်ရွေးမှ ဖြစ်တယ်လို့ တိတိလင်းလင်းပြဋ္ဌာန်းထားပြီးဖြစ်ပါတယ်။ သူတို့ အယုံကြည်အစိတ်ချရဆုံး၊ စစ်အုပ်စုအတွင်းဆုံးက လူတွေပဲ ဖြစ်မယ်ဆိုတာကတော့ သံသယဖြစ်စရာမလိုပါဘူး။ ဒါကြောင့် ဒီကောင်စီဟာ သူတို့ရဲ့စစ်တပ်ကလူတွေနဲ့ ဗိုလ်ချုပ်ထွက်တွေ ချည့်ပါဝင်မယ့် ကောင်စီဖြစ်တာမို့ စစ်ကောင်စီလို့ ခေါ်တာ အသင့်တော်ဆုံးပါပဲ။